Saturday, October 14, 2006

പേടി


ഇടവഴിയില്‍ കരിയിലകള്‍ക്ക് മീതേ എന്നും ഇരുട്ട് ഉറങ്ങിക്കിടക്കുന്നുണ്ടാവും. ഇരുട്ടില്‍ നിന്നും പ്രത്യക്ഷപ്പെട്ട് ചുണ്ണാമ്പ് ചോദിക്കാന്‍ ഇടയുള്ള സുന്ദരിയായ പ്രേതത്തെ പേടിയായിരുന്നു. കഥകള്‍ പലതും ഒളിപ്പിച്ച് വെച്ച കാവിന് കാവലിരിക്കുന്ന ഇലഞ്ഞി മരത്തേയും, മുടിയഴിച്ചിട്ട പനയേയും, വഴിതെറ്റിക്കുന്ന കുട്ടിച്ചാത്തനേയും പേടിയായിരുന്നു.

സ്വിച്ചിട്ട് വെളിച്ചം തെളിയാന്‍ തുടങ്ങിയപ്പോള്‍ ഇടവഴിയിലെ സുന്ദരിയായ പ്രേതം മാത്രമല്ല, പനയില്‍ സ്ഥിര താമസമാക്കിയിരുന്ന രക്ഷസ് വരെ ഓടിപ്പോയി. ആരേം പേടിക്കേണ്ടാത്ത കുട്ടികള്‍ കഥകളൊന്നും കേള്‍ക്കാതെ മിടുക്കരായി വളരുന്നുണ്ട്‌.

  © Blogger template 'Photoblog II' by Ourblogtemplates.com 2008

Back to TOP